हालै भारतको आसामको राजधानी गुवाहाटीमा सम्पन्न भएको चौथो एसियाली खो खो प्रतियोगितामा नेपालले दुवै समूहमा दोश्रो स्थान जित्न सफ भएको छ ।

प्रतिस्पर्धात्मक खेलमा नेपाललाई भारतले दुवै समूहमा पराजित गरेको हो । पुरुष प्रतियोगितामा नेपाल ३० वर्षमा पहिलो पटक दोश्रो स्थानमा पुग्न सफल भएको हो । सो खेलमा भारतले नेपाललाई ५० का विरुद्ध ६७ अङ्कले पराजित गरेको हो ।

त्यस्तै महिला समूहमा पनि नेपाललाई भारतले ४० का विरुद्ध ५५ अङ्कले पराजित गरेको थियो । प्रतियोगितामा नेपालसहित, भारत, कोरिया, इन्डोनेसिया, भुटान, बंगलादेश, इरान, श्रीलंका, मलेसियाको सहभागिता रहेको थियो ।

दोश्रो उपाधीसहित फर्केको नेपाली टोलीलाई नेपाल खो खो संघका कार्यवाहक अध्यक्ष प्रदिप महर्जन र रेफ्री राजेश शाक्यलगायतले बाजागाजा सहित भव्य स्वागत गरेका छन् ।