भारतमा जारी १६ औँ संस्करणको इन्डियन प्रिमियर लिग (आईपीएल) अन्तर्गत आज बिहिबार दुई खेल हुदैछ ।

आज हुने २७ औं खेलमा पन्जाब किंग्स र रोयल च्यालेन्जर्स बेंग्लोरबीच प्रतिस्पर्धा हुँदैछ । यी दुई टोलीबीचको खेल पन्जाबको घरेलु मैदान मोहालीमा नेपाली समयअनुसार दिउँसाेको ३:४५ बजेबाट सुरु हुनेछ ।

यस सिजनमा पाँच खेल खेलेको पन्जाब तीनमा जित र दुईमा हारसहित अंकतालिकाको पाँचौ स्थानमा रहेको छ । त्यस्तै, पाँच मध्ये दुई खेलमा जितेको बेंग्लोर अंकतालिकाको आठौँ स्थानमा रहेको छ ।

पन्जाब किंग्सको टोलीमा शाहरुख खान, ऋषि धवन, बलतेज ढण्डा, अथर्व तायडे, शिखर धवन, भानुका राजपाक्षे, प्रभसिमरन सिंह, जितेश शर्मा, अर्शदीप सिंह, कागिसो रबाडा, राहुल चाहर, नाथन एलिस, लियाम लिभिङस्टोन र म्याथ्यु शर्ट रहेका छन् ।

रोयल च्यालेन्जर्स बैंग्लोरको टोलीमा फाफ डु प्लेसिस, विराट कोहली, माइकल ब्रेसवेल, वानिन्दु हसरंगा, ग्लेन म्याक्सवेल, दिनेश कार्तिक, शाहबाज अहमद, हर्षल पटेल, डेविड विली, मोहम्मद सिराज, कर्ण शर्मा र आकाश दीप रहेका छन् ।

पन्जाब किंग्स र रोयल च्यालेन्जर्स बेंग्लोरबीचको भएको पछिल्लो पाँच खेलमा चार खेलमा पन्जाबले जित निकालेको छ भने एक खेलमा बेंग्लोर विजयी भएको छ।