टस जितेर पहिले ब्याटिङ गरेको पञ्जाबले २० ओभरमा ६ विकेट गुमाउँदै २१९ रन बनाएको थियो। जवाफमा चेन्नईले निर्धारित ओभरमा पाँच विकेट गुमाएर २०१ रन मात्र बनाउन सक्यो। चेन्नईको लागि डेभन कोनवेले अर्धशतकीय इनिङ खेले। चेन्नईले लगातार चौथो खेल हारेको छ। 

यस जितसँगै पञ्जाब किंग्स अंकतालिकामा शीर्ष चारमा पुगेको छ। पञ्जाबले चार खेलबाट ६ अंक पुर्‍याएको छ । एक खेल बढी खेलेको चेन्नईको भने दुई अंक मात्रै छ।

पञ्जाब किंग्सका लागि प्रियांश आर्यले १०३ रन बनाए भने शशांक सिंहले अविजित ५२ रन बनाए। प्रियांशले अनक्याप्ड खेलाडी (३९ बल) को रूपमा आईपीएल इतिहासमा सबैभन्दा छिटो शतक बनाउन सफल भए । आईपीएल इतिहासमा संयुक्त रूपमा चौथो सबैभन्दा छिटो शतक प्रहार गर्ने खेलाडी को सुची मा पनि प्रियांशले आफ्नो नाम राख्न सफल भए ।

चेन्नईका ओपनर डेभन कन्वेले सर्वाधिक ६९ रन बनाए। ४९ बल खेलेका उनले ६ चौका र दुई छक्का प्रहार गरे। उनी रिटायर्ड आउट भए। शिवम दुबेले २७ बलमा तीन चौका र दुई छक्कासहित ४२ रन बनाए। उनी आउट भएसँगै क्रिजमा आएका महेन्द्रसिंह धोनीले २७ र ओपनर रचिन रवीन्द्रले ३६ रन बनाए। पञ्जाबलाई जित दिलाउन लोकी फर्गुसनले सर्वाधिक दुई विकेट लिए। चार ओभर बलिङ गरेका उनले ४० रन खर्चिए।